CATRO DEPORTISTAS DA FEGADO PARTICIPARON NO MUNDIAL DE VETERANOS DE O PÉ EN ESLOVAQUIA
A pasada semana Eslovaquia acolleu o Campionato do Mundo de Veteranos de Orientación a Pé 2023, no que participaron @s nos@s orientadores e orientadoras Francisco L. Costoya (do Club O Pasatempo Betanzos), Olalla Bello (Club Gallaecia Raid), Candela Puime e Maikel Rodríguez (ambos do Club VigOrienta).
A competición deu comezo o sábado 12 coa clasificatoria de sprint, na que Maikel Rodríguez logrou clasificarse para a final A e conseguiu un top 10 coa súa novena posición en M40.
O Campionato continuou o martes 15 coa proba clasificatoria de bosque, que Olalla e Maikel lograron superar para competir na final A nas probas de longa e media distancia. Nesta última, celebrada o mércores 16, Maikel acadou a sétima posición en M40A.
A FEGADO traslada os parabéns a todos os deportistas!
Os resultados completos e toda a información sobre a proba está dispoñible na web do evento.