O ENDURANCE COCO PROCLAMOUSE CAMPIÓN DO I RAID CERRO DEL VIENTO EN ELITE
A pasada fin desemana, Manchita (Extremadura) acolleu o I Raid Cerro del Viento, a segunda proba da Liga Española de Raid de Orientación e Aventura, organizada polo club Ítaca Aventura.
O evento dividiuse en dúas etapas, nas que os equipos debían completar seccións de trekking, BTT, kaiak e probas especiais como tiro con arco, crossfit e rapel.
O equipo Endurance COCO (Juan José Sancosmed, Borja Varela e Jairo Uriz), proclamouse campión en elite con 211 puntos e tras 15 horas e 31 minutos de proba, mentres que a cuarta posición nesta categoría foi para o conxunto Fluvial Lugo-Xesteiras- Aromon- Os Barbas (Alberto Corral, Luisa Felpeto e Adrián Moreira).
Por outra banda, as medallas de ouro nas categorías Aventura Masculino e Aventura Mixto foron para Aseragro-Biziebike Vizhoja Cornelios (Pablo Fernández, Alberto Otero e Isaac Rodríguez) e OP Betanzos Raid Team (María Esther Barreira, Roberto Chas e Rodrigo Rodríguez), respectivamente.
Os últimos detalles da proba están dispoñibles na web do evento e os resultados completos pódense consultar aquí.
Parabéns a todos os participantes!
Aproveitamos para recordar que a próxima cita da LER2023 será do 24 ao 25 de xuño en Pontevedra, no Raid Cornelios.