Como podemos colaborar aportando “datos reais de eventos de Galicia” ao proxecto de Intelixencia Dixital (IA) aplicada ao rendemento deportivo na modalidade deportiva da orientación “COACH DIGITAL” desenrolado pola FEDO
Adestrar á IA en terrenos galegos. Dende a FEGADO queremos animar a clubs, cartógrafos e trazadores a colaborar aportando o seu grao de arena en forma de "datos reais e galegos" á ferramenta COACH DIGITAL que desenrola a FEDO da man da empresa Strategic Platform [+info e video do proxecto IA] na que está a traballar como Data Scientist Guillem Serrallonga.
Información [consulta o adxunto a esta noticia]. Coñecemos este proxecto innovador COACH DIGITAL a través da presentación de finais de febreiro organizada pola FEDO da man do noso compañeiro Alfonso Flórez. Os clubs da FEGADO seguramente teñades recibido a principios de marzo información e solicitude de colaboración a través dun correo electrónico de Jorge García no que vos pedía datos de eventos FEGADO na forma de arquivos de mapas (OCAD o OOM), percorridos en XML e arquivos de resultados en XML ou backup do evento de cronometraxe.
Envergadura e prazos do proxecto. Non é un proxecto menor. Finánciase a través dunha subvención do Consejo Superior de Deportes (CSD). O arranque da proposta remóntase ao 2023, cun orzamento que ronda os 300.000 euros e que está na fase final de desenrolo de 6 meses: previsión de versión BETA en abril 2025 e entrega do proxecto en xuño 2025.
Aplicación na análise técnica e mellora nos eventos da FEGADO. Estamos convencidos que que aportando eses "datos reais e galegos" o analizador de mapas e rutas de COACH DIGITAL poderá aportar solucións a trazadores e deportistas da FEGADO na forma de propostas das mellores eleccións de rutas, análise de carreiras, etc. A futura incorporación do subproxecto de datos biométricos de COACH DIGITAL será moi útil para deportistas de alto nivel e grupos de tecnificación.
Que eventos podemos aportar. Eventos de nivel autonómico ou nacional da FEGADO nas disciplinas de O-Pé, MTBO (onde a aportación FEGADO parécenos imprescindible para que o produto final sexa de calidade) e Ultrascore Rogaining. Antigüedade de datos dos eventos: post-pandemia.
Custodia de datos e Licencia FEDO. Dende FEDO transmítenos que a información e arquivos serán usados de forma moi escrupulosa (conversión a formatos geometry no caso dos archivos vectoriais OCAD e OOM), respectando a propiedade intelectual dos mesmos (mediando documento escrito se fora requerido polas persoas colaboradoras) e asegurando que a non poidan ser descargados ou distribuídos a terceiras persoas.
Onde enviar os arquivos e obter máis info:
Alfonso Flórez alfonsoflorezfernandez@gmail.com
Jorge García sportident@fedo.org
Persoas de contacto na FEGADO:
Jorge Piñeiro direcciontecnica@fegado.es
Adrián Pérez raid@fegado.es