PRESELECCIÓN FEGADO de cara ao CEOP BOSQUE 2025 | 17 ao 20 de abril | El Pedroso (Sevilla)
CAMPIONATO DE ESPAÑA DE ORIENTACIÓN A PÉ BOSQUE 2025
Distancia Longa | Distancia Media | Remudas Clásicas
do 17 ao 20 de abril | El Pedroso (Sevilla)
- Venres 4 de abril DATA LÍMITE DE INSCRICIÓNS SEN RECARGO
- Domingo 6 de abril DATA DE PECHE DAS INSCRICIÓNS
Adxuntamos a lista de persoas deportistas que loitarán polas 34 prazas dispoñibles para formar parte da Selección Galega do CEOP-Bosque de El Pedroso (Sevilla).
Que significa estar entre as persoas preseleccionadas ? É un recoñecemento ao esforzó e aos méritos deportivos individuais. Tamén aplícanse decisións técnicas e valórase positivamente a participación continuada, no caso dos rapaces e rapazas das categorías inferiores, nas actividades de tecnificación da FEGADO.
Motivación e novas experiencias. A preselección ten o obxectivo de motivar ás persoas deportistas para perseverar no proceso de mellora individual continua. Tamén para "dar o salto" e probar a experiencia de saír ás probas de nivel nacional formando parte do grupo da FEGADO que se desplaza regularmente ás competicións.
O meu nome non está na lista. Quere iso decir que xa non podo ser seleccionado/a ? Non. A lista de persoas preseleccionadas é aberta, sempre co obxectivo do recoñecemento dos méritos deportivos individuais que se vaian acadando, cubrir as prazas dispoñibles, completar os equipos de remudas e aportar a mellor puntuación posible para a Selección Galega nos Campionatos de España por Comunidades Autónomas.
Que debo cumprir para formar parte da Selección Galega ? A selección definitiva farase entre as persoas inscritas ao CEOP-Bosque na plataforma SICO. Hai un número limitado a un máximo de 34 prazas de pertfil competitivo con opción de aportar puntos á FEGADO, repartidos en grupos de categorías: SUB-16 (6 prazas) | SUB-20 (6 prazas) | SÉNIOR (14 prazas) eVETERANO/A (8 prazas). As posibles vacantes en categorías veteranas ou sénior serán asignadas ás persoas deportistas máis novas. Aplicaranse os criterios de selección reflectidos no documento Programa para a tempada 2024: Seleccións Galegas O-pé, MTBO, RAID e Trail-O e que será publicado na segunda semana de abril na web da FEGADO: TRANSPARENCIA + SELECCIÓNS GALEGAS. A Dirección Técnica poderá deixar prazas vacantes.