EXTREMADURA ACOLLEU EN MARZO A PRIMEIRA FASE DO CAMPIONATO IBÉRICO DE MTBO
Os pasados 15 e 16 de marzo a provincia de Badajoz acolleu a primeira fase do Campionato Ibérico de MTBO 2025, organizado pola federación extremeña (FEXO) e o club Alcor.
O sábado 15 disputouse a distancia longa, na que destacamos a primeira posición de Lía Rodríguez (Club de Orientación Compás) en F17, seguida de Sara Nogueras (Club O Pasatempo Betanzos). Os campións das categorías M20 e F20 foron Nicolás López e Sofía Martínez (ambos do Club Orientación Compás), mentres que a prata en F20 foi para Noa Rodríguez (Club Orientación Compás) e o terceiro posto en M20 para Marcos Silvarrey (Club Gallaecia Raid). Pola súa banda, Rosa Porto (Club O Pasatempo Betanzos) proclamouse subcampioa en F45 e José Manuel Nogueras (Club O Pasatempo Betanzos) tamén foi segundo en M50, seguido de José Manuel Fernández (Club de Orientación Compás). En F50 tres orientadoras galegas completaron o pódium, Sonia Gómez (Club Orientación Compás) en primeira posición, seguida de Paulina Mosquera e Claudia Oreiro (ambas do Club Gallaecia Raid). Francisco Varela (Club Orientación Compás) foi o campión de M60.
O domingo 16 a competición despediuse co sprint, no que Mario López (Club O Pasatempo Betanzos) recolleu a medalla de bronce en M17 e Lía Rodríguez e Sara Nogueras repetiron primeira e segunda posición en F17. Nicolás López foi o campión de novo en M20, mentres que na categoría feminina Sofía Martínez logrou a prata e Noa Rodríguez o bronce. Alicia Pérez (Club Raza Palleira) e Rosa Porto foron segundas en F40 e en F45, mentres que Iván Somoza (Club Gallaecia Raid) conseguiu o ouro en M50, seguido de Alejandro Marín (Club Raza Palleira). Sonia Gómez proclamouse de novo campioa en F50, Paulina Mosquera subcampioa e Claudia Oreiro repetiu a terceira posición e Francisco Varela recolleu o ouro de novo en M60.
Ademais, o domingo fíxose entrega dos premios do ranking da Liga Española de MTBO 2024. Destacamos de novo a primeira posición da nosa deportista Mar Delgado do club O Pasatempo Betanzos na categoría Elite. En canto á clasificación por clubs, o Club O Pasatempo Betanzos recolleu a medalla de ouro e o Club de Orientación Compás a de prata.
A segunda parte do Campionato disputarase os 24 e 25 de maio en Portugal.
Dende a FEGADO trasladamos os parabéns a tod@s!
Os resultados completos pódense consultar neste enlace.