MURCIA ACOLLEU ESTA FIN DE SEMANA O III TROFEO COSTA CÁLIDA MTBO
A pasada fin de semana, os nosos orientadores e orientadoras desprazáronse á localidade murciana de Calasparra para competir no III Trofeo Costa Cálida MTBO, que foi a segunda proba da Liga Española desta disciplina.
O sábado pola mañá disputouse a distancia longa, na que Lía Rodríguez e Sofía Martínez (ambas do Club Orientación Compás), foron as campioas en F15 e F20, respectivamente. En F17 a medalla de prata foi para Noa Rodríguez (Club Orientación Compás) e as segundas posicións en M15 e M40 foron para Diego Silvarrey (Club Gallaecia Raid) e Rodrigo Rodríguez (Club Orientación Compás).
A xornada do sábado completouse co sprint, onde Lía Rodríguez repetiu primeiro posto en F15 e en F40 o ouro conseguiuno Sonia Gómez (Club Orientación Compás). Na categoría F20 e M20, as medallas de prataforon recollides por Sofía Martínez (Club Orientación Compás) e Marcos Silvarrey (Club Gallaecia Raid) e en M50 a prata logrouna Francisco Varela (Club Orientación Compás). As medallas de bronce en M15, F17 e M40 foron para Diego Silvarrey (Club Gallaecia Raid), Noa Rodríguez (Club Orientación Compás) e Juan Combarro (Club O Pasatempo Betanzos), respectivamente.
O Trofeo despediuse coa distancia media do domingo, na que Lía Rodríguez (Club Orientación Compás), recolleu o seu terceiro ouro en F15, mentres que Sonia Gómez (Club Orientación Compás) foi segunda en F40 e Juan Combarro (Club O Pasatempo Betanzos) en M40. Pola súa banda, Diego Silvarrey (Club Gallaecia Raid) e Noa Rodríguez (Club Orientación Compás), acadaron a terceira posición en M15 e F17.
Coa suma dos resultados das tres probas, Lía Rodríguez situouse en primeira posición na clasificación xeral en F15; mentres que Diego Silvarrey, Juan Combarro e Sonia Gómez, recolleron as medallas de prata en M15, M40 e F40. Finalmente, Noa Rodríguez rematou terceira en F17.
Trasladamos os parabéns a todos os nosos deportistas!
Os resultados completos están dispoñibles neste enlace e os percorridos GPS pódense consultar aquí