TRES MEDALLAS PARA OS EQUIPOS GALEGOS NA I PROBA DA LIGA ESPAÑOLA DE ROGAINE
O pasado sábado 11 de febreiro, sete equipos da FEGADO desprazáronse a Extremadura para competir na I Proba da Liga Española de Rogaine - I Rogaine do Alcarrache.
O evento, organizado pola FEXO e o club ALCOR, celebrouse nos concellos de Barcarrota, Jerez de los Caballeros e Higuera de Vargas, na provincia de Badajoz.
Na categoría Senior Masculino o primeiro posto foi para o equipo Aligots- OP Betanzos - Malarruta (formado polo noso orientador Juan Combarro e os seus compañeiros Aurelio Olivar e Albert Herrero), mentres que o conxunto Aromon Cota Cero (Ángel Álvarez Serto e Adrián Moreira) conseguiu a medalla de bronce.
En Veteranas Feminino o Aromon de Vagar (Mónica Figueroa, Luisa Sánchez e Rosiña Paredes) logrou a medalla de prata.
Trala proba, a FEDO entregou os premios da Liga Española de Rogaine 2022; onde o Gallaecia Raid Aventura-Consa (María Esther Barreira e Roberto Chas) conseguiu o ouro en Veteranos Mixto, o Aromon de Vagar (Luisa Sánchez, Mónica Figueroa e Rosiña Paredes) logrou o terceiro posto en Veteranas Feminino e o Aromon Supervetmix (Javier Alvelo, Carlos Morais e Chus Abilleira) foi o campión en Superveteranos Mixto.
Parabéns a tod@s polos resultados!
Máis información e resultados completos na web do evento.