TOP 10 PARA MARTÍN MORALES NA MEDIA DISTANCIA DO CAMPIONATO DO MUNDO DE VETERANOS DE ORIENTACIÓN A PÉ
O noso orientador Martín Morales, da AD Limiactiva, conseguiu este mércores a 9ª posición en M55 na distancia media do Campionato do Mundo de Veteranos de Orientación a Pé (WMOC), que está acollendo estes días a provincia catalana de Girona.
O orientador da FEGADO rematou a tan só dous minutos e medio da medalla de ouro. Este resultado súmase ao bronce conseguido por Iván Somoza na distancia Sprint.
Os resultados están dispoñibles aquí. Este venres retomarase a competición coa final da distancia longa.