MATEO RODRÍGUEZ REPRESENTOU A ESPAÑA ESTA FIN DE SEMANA NO CAMPIONATO DE ORIENTACIÓN DO MEDITERRÁNEO 2023

O noso orientador Mateo Rodríguez Díaz (do Club Aromon de Pontevedra) desprazouse esta fin de semana ao sur de Portugal para representar a España no Campionato de Orientación do Mediterráneo 2023, co resto de integrantes da Selección Nacional de O-pé.

O evento celebrouse de xeito paralelo ao X Costa Alentejana O- Meeting. As competicións comezaron o venres 24 coa distancia media, o sábado disputouse a distancia longa e finalmente o domingo os deportistas enfrontáronse ao Sprint.

O obxectivo principal nesta competición era dar experiencia en probas internacionais aos deportistas máis nov@s, polo que a selección estaba formada por orientadores/as con opcións de estar nos equipos nacionais para as competicións de primeiro nivel.

Parabéns, Mateo!

Na web do evento pódense consultar os resultados completos, así como revivir as probas en Livelox.