EXCELENTES RESULTADOS GALEGOS NA 3ª LIGA ESPAÑOLA DE ROGAINE

A localidade de Lumbreras de Cameros (La Rioja) acolleu o pasado sábado 29 de maio a II Ultra-O Sierra de Cebollera (terceira proba da Liga Española de Rogaine), na que participaron un total de 25 galeg@s.

Na categoría absoluta masculina, o equipo Aromon Cota Cero (Ángel Álvarez e Adrián Moreira) conseguiu a prata, mentres que en absoluto mixto a segunda posición foi para Fluvial Lugo- Os Barbas (Alberto Corral e Luisa Felpeto), seguidos de Fluvial Lugo- @s Castrex@s (Diego Indalecio Fernández e Sandra Fernández).

Por outra banda, en veteranos masculino, os equipos Fluvial Lugo- Colmenar Orientación (Juan Combarro e Juan Manuel Agejas) e Aromon Toxiños (Ricardo Figueroa e Alejandro Marín) acadaron o segundo e quinto posto, respectivamente. Na categoría feminina, o ouro foi para Aromon Píllaras (Carlota Veiga e Sonia Arias) e o conxunto Aromon De Vagar (Luisa Sánchez e Mónica Figueroa) terminou en cuarta posición. En veteranos mixto o terceiro posto foi para Aromon- Ciudad Rodrigo (Araceli Abalde e Arturo Javier Peña).

Por último, na categoría superveterana mixta o equipo Aromon Supervetmix (Javier Alvelo, María Jesús Abilleira e Juan Carlos Morais) conseguiu a prata.

Noraboa a todos os equipos participantes!