ECXELENTE ACTUACIÓN DOS DEPORTISTAS DA FEGADO NO CAMPIONATO DE ESPAÑA DE ORIENTACIÓN A PÉ

A pasada fin de semana, Soria acolleu o Campionato de España de Orientación a Pé, no que se disputaron as probas de longa distancia e as remudas mixtas. O evento reuniu a máis de 1500 deportistas, entre os que se atopaban case 100 orientadores e orientadoras da FEGADO.

Na longa distancia celebrada o sábado 15 pola mañá, Alicia Pérez, Conchi Bello, Rosa Pernas e Fermina Fernández proclamáronse subcampioas de España nas súas respectivas categorías (F40, F55, F60 e F65), mentres que Jana Albarrán foi cuarta en F12.

Nas remudas mixtas disputadas pola tarde, destacamos o sétimo posto do noso equipo Senior (formado por Lucía Parga, Xoel Chamorro, Maikel Rodríguez e Olalla Bello), a soamente 27segundos do diploma.

Por outra banda, o equipo integrado por Daniela Albarrán, Aarón Rodríguez, Matín Casado e Carla Somoza, conseguiu a quinta posición en Infantil e o bronce en Veteranos D foi para o conxunto formado por Mª José Naya, Carles Abad, Eduardo Ramos e Fermina Fernandez.

Coa suma dos resultados dos nosos deportistas, Galicia conseguiu entrar no top 10 cunha oitava posición na clasificación por comunidades autónomas.

A fin de semana completouse cunha proba de distancia media, puntuable para o ranking nacional, celebrada o domingo, onde Rosa Pernas e Fermina Fernández repetiron segunda posición en F60 e F65, mentres que en M45 e M50 as medallas de bronce foron para Iván Somoza e David Casado, respectivamente.

Noraboa a tod@s!

Os resultados completos e os percorridos en O-track están dispoñibles aquí. As probas pódense revivir na canle de YouTube da FEDO, así como no TracTrac do evento.