LICENZAS FEDERATIVAS 2025

Por que federarse en orientación?

Formar parte da Federación Galega de Orientación (FEGADO) ábreche a porta a unha serie de beneficios que potencian a túa experiencia deportiva e contribúen ao crecemento do deporte na nosa comunidade:

1. Puntuar nos rankings oficiais: Como persoa federada, poderás puntuar nos rankings de todas as modalidades do noso deporte: O-Pé, Trail-O, MTBO, Rogaine e Raids de Aventura.
2. Seguro de accidentes deportivos: Contarás cun seguro de accidentes deportivos que che protexerá fronte a posibles contratempos durante os adestramentos e competicións oficiais.
3. Participación en cursos formativos: A FEGADO e a FEDO organizan cursos formativos de cartografía, xuíces controladores, cronometraxe ou trazados, aos que soamente poderás acceder estando federad@.
4. Participación nos órganos de decisión e goberno: Ao formar parte da Federación, poderás participar en asembleas, contribuír coas túas ideas e axudar a construír un futuro mellor para a orientación.
5. Descontos e prezos especiais: Os federados desfrutan de prezos especiais nalgunhas actividades organizadas pola federación e polos clubs asociados, facendo que federarse sexa un investimento rendible.
6. Representar a Galicia en competicións nacionais e internacionais: Só os deportistas federados poden formar parte da Selección Galega de Orientación e representar a nosa comunidade en eventos de alto nivel. Se aspiras a competir en citas nacionais ou internacionais, a federación é a túa porta de entrada.
7. Defender e promover o deporte: Ao federarte, contribúes ao recoñecemento e promoción da orientación en Galicia. O teu apoio fortalece a estrutura organizativa, facilita a creación de novas competicións e asegura a continuidade do noso deporte.
8. Comunidade e espírito de equipo: Ser parte da federación intégrate nunha comunidade unida de persoas que comparten as túas aficións e intereses deportivos.

Como solicitar a licenza?

A licenza solicítase a través dun club pertencente á FEGADO.

É obrigatorio estar federad@ para practicar orientación?

Non, aínda que é moi recomendable. Para participar nunha actividade organizada pola FEGADO sen estar federad@, débese solicitar unha licenza de día.

Prezos 2025:

Os prezos da tempada 2025 están dispoñibles neste enlace e tamén no documento adxunto.

Federarse non é só un trámite, é unha maneira de contribuír ao desenvolvemento do deporte da orientación e desfrutar debeneficios exclusivos. ¡Únete á Federación Galega de Orientación e sé parte desta gran familia deportiva!