Aberto o prazo para a presentación de PROPOSTAS de ENMENDA de REGLAMENTOS e NORMAS ANUAIS de cara á Asemblea Xeral Técnica (AxT) de 30 de novembro de 2024 | [novidade] MESAS DE TRABALLO de categorías e trazados

Datas e canles de comunicación

Data límite para a presentaciónde propostas: domingo 24 de novembro ás 23:59 horas. Somentes serán aceptadas as propostas completas, concretas (deben poder ser sometidas a votación directa) e adaptadas estritamente ao formato do formulario adxunto que debe ser enviado á conta direcciontecnica@fegado.es

Data de acceso público ás propostas recibidas: serán publicadas como adxunto nesta mesma NOTICIA, a medida que se vaian recibindo e etiquetando previo análise conxunto por parte da Dirección Técnica da FEGADO e das persoas responsables de cada vogalía. As persoas interesadas poderán consultalas ata a data da Asemblea Xeral Técnica.

Data de debate e votación presencial das propostas: sábado 30 de novembro na ASEMBLEA XERAL TÉCNICA, que será en formato presencial, á que están convidados especialmente os xuíces controladores (con voz) e as persoas asembleístas (con voz e voto). Na medida en que sexa posible habilitarase o seguemento en streaming (sen voto). A convocatoria e a acta previa adxuntaranse á presente noticia.

MESAS DE TRABALLO PREVIAS (2) para a preparación da AxT

Destinatarios. Dirección técnica contactará verbalmente coas organizacións (persoas físicas ou xurídicas, entidades deportivas) de eventos do calendario 2025 e tamén de 2024 e cursará as invitacións á reunión. A mesa estará aberta a tódalas persoas federadas que desexen participar para o que poden escribir á conta direcciontecnica@fegado.es especificando MESA TRABALLO 1 Categorías e/ou MESA TRABALLO 2 Trazados.