Noticias

DOUS OUROS PARA MAIKEL RODRÍGUEZ EN ELITE ESTA FIN DE SEMANA NO CÓRDOBA CITY RACE

Córdoba acolleu esta fin de semana a terceira proba da Liga Española de Orientación a Pé, o "Córdoba City Race", que formou parte do 'City Race Euro Tour', un circuíto de probas de orientación urbanas que cada ano percorren distintas cidades europeas. A organización do evento estivo ao cargo do club Los Califas, apoiado pola Federación Andaluza (FADO).

O noso orientador Maikel Rodríguez (do Club VigOrienta), proclamouse campión na categoría Elite, tanto na distancia media celebrada o sábado, como na longa disputada o domingo (puntuable para o circuíto internacional), conseguindo así a primeira posición na clasificación global e situándose no terceiro posto no ranking da Liga Española de Orientación a Pé 2023.

Parabéns!!!


Podedes consultar os resultados completos da proba aquí e na web do evento tedes dispoñible máis información.

Aproveitamos para lembrar que a próxima cita do City Race Euro Tour en España será organizada polo Club VigOrienta na cidade de Vigo os días 17 e 18 de xuño de 2023. Máis información na web da Vigo City Race