SOFÍA MARTÍNEZ E MARCOS SILVARREY COMPETIRON NOS MTBO 5 DAYS PLZEN (REPÚBLICA CHECA)

Sofía Martínez (Club de Orientación Compás) e Marcos Silvarrey (Club Gallaecia Raid) participaron xunto con outros aspirantes e deportistas da selección española de MTBO nos MTBO 5 Days Plzen, na República Checa, un dos eventos máis importantes desta especialidade a nivel internacional.

As probas comezaron o venres dous de xullo co free order (orde libre) e ao día seguinte tivo lugar a distancia sprint. O domingo disputouse a longa distancia e o sábado a media, ambas puntuables para o ranking internacional (World Ranking Event). Por último, o día 6 competiron no semi-free order.

A súa participación estivo financiada pola Federación Española de Orientación, co obxectivo de promover a continuidade do deporte nas categorías base e seguir impulsando a calidade dos deportistas absolutos.